網紅的藏寶箱丫仁一直都好想來呢個清里テラス，前兩次嚟山梨適遇正梅雨季節不停落大雨，呢一類高地更加落到癲晒！今日雖然都陰陰地天，終於都如願以償好過冇，躺係山上飽覽雲海+山梨一部份！ ！ ！
呢個清里滑雪場顧名思義主要係用嚟滑雪，但係夏天嘅時候會開放出來而且放咗目測10個（粗略估計）直徑約兩米嘅圓形沙發俾大家狂影呃like相，讓你置身廣闊高原舒服地hea 30分鐘。又因為係高原，昆蟲比較少（但有少量蚊）張墊乾爽又唔會比霧水整到濕晒～
入滑雪場嘅時候已經收每人¥1800（hkd120)搭纜車上山（係平時滑雪場上山頂或落嚟嘅纜車）入場仲包一張明信片俾你喺上邊郵局既煩到你屋企。又因為呢度係滑雪場，完全唔需要擔心冇嘢食，就算去到上山都有一間Cafe以備不時之需。喺Cafe嘅另一邊更設有一列5個有太陽傘遮光擋雨VIP付費座位，俾錢可以唔使等位直接坐。冇錯！係要等位，而每張梳化旁邊有個漏斗for計時。如果冇人坐嘅時候你梗係可以直接坐落耐少少，但如果有好多人排隊嘅時候就係用呢個漏斗計算你逗留時間，沙漏完就要讓座啦！
去上山高嘅地方真係朝頭早比較好，我哋嚟到已經係下午一兩點，天氣多雲大霧唔靚景，我哋要睇時機先至可以影到相。上山記得大多兩件外套呀，呢度比東京完全係低五度左右添！！嚟呢到Chok樣一絕～坐滿晒人又影唔到相？唔使怕佢哋更設有一個沙發比人哋做影相位添，真係貼心！
#metime
Search